Bachgen o Bontllanfraith

Wikimapia

2006-10-16T16:19:00.000+01:00

Wel, mae'r twpsyn 'ma gartre ar hyn o bryd o'r gwaith, ar ôl llwyddo i dynnu cyhyr yn fy nghefn brynhawn dydd Sadwrn. Yn ffodus, ro'n i yn fy stafell wely, ac felly, mewn poen aruthrol, fe lwyddes i i gael fy hun ar fy ngwely, cyn gorwedd 'na am y deg awr nesa' nes i'r boen leddfu ddigon i allu cerdded i'r gegin i nôl gwydraid o ddwr. Wrth gwrs, dyw hyn heb wneud unrhyw beth i fy mhryderon am heneiddio, yn wir, mae wedi llwyddo i waethygu fy nheimladau!

Ho hym, wel, ta beth. Fe weles i hwn, sef Wikimapia (dylai'r ddolen ganolbwyntio ar Gaerdydd), sy'n eich galluogi chi i roi eich disgrifiadu eich hun o wahanol lefydd yn y byd. Oes unrhyw un mwy technolegol ddeallus (Rhys, Nic, Dafydd) yn gwybod sut mae creu tudalen i ddechrau disgrifiadau Cymraeg?

Swyddogion datblygu i'r Gernyweg

2006-10-06T19:08:00.000+01:00

Fe ges i e-bost oddi wrth gyfaill oedd ar yr un cwrs â fi yn y brifysgol yn dweud ei bod hi newydd gael ei phenodi'n un o ddau swyddog datblygu i'r Gernyweg. Maen nhw newydd gael arian gan San Steffan a Senedd Ewrop er mwyn ariannu'r swyddi, sydd heb os yn gam pwysig ymlaen i'r iaith.

Un bocs o fatsys...

2006-10-03T18:24:00.000+01:00

Ar ôl clywed am gamp One Red Paper Clip o gael ty yn gyfnewid am un clip papur coch, rwy' wedi penderfynu mynd ar antur debyg. Ddoe, fe lwyddes i i gyfnewid bocs o fatsys o westy crand One Aldwych am flodfresych, felly os oes gan unrhyw un rywbeth i'w gynnig am flodfresych, mae croeso i chi gysylltu â fi. Y nod yn y pen draw yw cael bod yn archdderwydd, ymddeol, ac anfon llythyrau hirwyntog a diflas i bapurau bach dinod. Hwre!

(O.N. Mynnwch gopi o'r rhifyn diweddaraf o'r Ddraig Goch, papur y Blaid, am hanesyn bach difyr am y twlsyn y cyfeirir ato uchod.)

Rhodri Morgan ar goll

2006-09-25T19:18:00.000+01:00

Mwy o bethau da gan You Tube. Dim syniad pwy sy'n gyfrifol am hwn.

Y degfed dimensiwn

2006-08-30T22:07:00.000+01:00

Wedi penderfynu symud unwaith eto, gan symud mewn gyda fy nghefnder. Felly dylai fod mwy o gyfle i fi flogio yn y dyfodol agos, yn enwedig gyda'r hydref ar ei ffordd. Gyda llaw, ai fi yw'r unig un sydd wir yn edrych mlaen i'r hydref ar hyn o bryd? Mae'n cynhesu fy nghalon i weld y nosweithiau'n mynd yn hwy, ac mae'r got Peter Storm bellach wedi'i thynnu o'r cwpwrdd.

Reit, ta ta tan toc. Yn y cyfamser, triwch gael crap ar hwn.

Dim Lol

2006-08-16T21:14:00.000+01:00

Bwahahahaha! Newydd wylio'r fideo hwn am y tro cynta'. Hoff iawn o'r trosleisio dilornus braidd, er fy mod i'n eithaf hoff o'r cylchgrawn ar y cyfan.

O gymharu, ewch man 'yn (wedyn 'gwrando eto> C2 nos Fawrth> 25 munud) am ddadansoddiad dwys o natur ôl-foderniaeth a hanfod bywyd. Ai dyna shwt fi'n swnio?

Cwis nos fory!

2006-08-16T20:54:00.000+01:00

Ie, ie, ie, nôl o'r Steddfod ond yn dal i ddiodde. Na, wir nawr, dal i ddiodde. Fi'n meddwl bod yn ddirwestwr. Owff.

Ta beth, dyma nodyn byr i ddweud y bydd cwis nos fory yn y Goat Major fel rhan o Daith Deddf Iaith Newydd am wyth o'r gloch. Dim ond fi fydd yn gyfrifol am hwn, felly s'dim poster hyfryd i'w bostio, gan mai Mair yw'r gwir athrylith evil boll weevil tu ôl i'r fenter 'ma. Cafflwr wyf.

Pryd caf i weld fy enw i mewn neon yn y nen?

2006-08-07T18:45:00.000+01:00

Sai'n credu y bydd unrhyw un yn sylwi oherwydd gosteg cymharol y blog 'ma ers tro bellach, ond fe fydda' i'n mynd i'r Steddfod fory tan ddydd Sadwrn, felly bydd digon tawedog fydd y rhith-fi 'to. Dyma ambell uchafbwynt y byddwch chi'n siwr o fy ngweld i yno...

Pictiwrs ddydd Mercher a ddydd Gwener (o'n i'n methu mynd heddi) ar y Maes ac yn y Glamorgan Arms

Digonedd o gigs Cymdeithas yr Iaith (gan gynnwys dy fand di, Meirion!)

Ac, wrth gwrs, y blog gwrdd ddydd Sadwrn yng nghwmni'r cyd-~~saddos~~ flogwyr ar y Maes.

O ie, a bydda' i'n siwr o nôl fy nghopi o Dim Lol i weld pwy sy'n ei chael hi a phwy fydd yn... (golygwyd er mwyn arbed fy nghroen fy hun).

Joiwch, blantos!

Shins: help

2006-08-03T19:56:00.000+01:00

Newydd fod yn gwylio fideo un o fy hoff ganeuon erioed ar You Tube, sef New Slang gan The Shins. Fe sylwais i ar y cyfeiriad amlwg ar y fideo at glawr un o fy hoff albyms erioed, Let It Be gan The Replacements. Ond, o wneud bach o ymchwil, mae mwy nag un gyfeiriad at glasuron yr 80au a'r 90au. All rywun sylwi ar rai eraill?

Jolch, gyfeillion.

Chris Cope ar Wedi 7

2006-08-01T19:41:00.000+01:00

Hwre! O'r diwedd cafwyd yr eitem am Chris Cope ar Wedi 7, gyda'r blogiwr hynaws yn trafod symud i Gaerdydd, ei resymau dros ddysgu Cymraeg a'r lleisiau bach yn ei ben. Cliciwch fan hyn i weld y rhaglen. Mae eitem Chris ar ôl tua ugain munud. Ond plis, plis, osgowch yr eitem ar Miami Vice. Mae'n wirioneddol ofnadwy. Gyda llaw, Chris, ai colur sydd ar dy wyneb, neu wyt ti wedi bod yn torheulo bach gormod?

Cliciwch fan hyn am y rhaglen orau ar y telibocs ar hyn o bryd. Fi'n credu bod y cyflwynydd hefyd yn uno drigolion Caerdydd. Drychwch ar faint y crocodeil 'na! Yipes!

Canllaw i ddefnyddio'r we: gwers #1

2006-07-26T23:12:00.000+01:00

Cyn ichi gysylltu ag unrhyw un dros y we, sicrhewch eich bod yn cysylltu â'r person cywir. Er enghraifft, nid yr un person yw Tony Hawks a Tony Hawk. Cofiwch ddychwelyd i'r safle am fwy o wersi cyffelyb.

O.N. Dal i wrando ar Thomas Fraser. Gwych.

Thomas Fraser

2006-07-25T22:10:00.000+01:00

Ar ôl hir ymaros, rwy' wedi cael y CD y bues i'n aros amdano ers mis ar ôl darllen yr erthygl ddiddorol hon yn Observer Music Monthly, sef Long Gone Lonesome Blues gan Thomas Fraser. Anhygoel clywed dyn o Ynysoedd Shetland yn dehongli ac yn rhoi ar drac yr holl ganeuon 'ma gafodd eu sgwennu a'u perfformio filoedd o filltiroedd yn ôl, mewn ffordd unigryw a theimladwy.

Dyma un trac bach y des i o hyd iddo fe - os y'ch chi'n hoff o Hank Williams a phobl debyg, rheidrwydd yw prynu'r albwm.

Casnewydd

2006-07-19T22:30:00.000+01:00

Meh. Y tro dwetha i fi geisio blogio, roedd 'na ryw broblem gyda blydi Blogger, felly nid fy mai i yw'r peth. Ta beth, weles i hwn heddi, sef ymgais y BBC at gasglu safbwyntiau pobl am Gasnewydd. Fi'n cymryd y bydd llawer o sylwadau cadarnhaol gan gwmnïau concrit, ond dim rhyw lawer yn fwy 'na hynna.

Ers i fi sgwennu ddwetha, fe ddes i'n enwog, bues i i Oxegen i weld yr anhygoel Sigur Ros ymysg eraill (do, fues i'n fawning basdad wrth eu gwylio nhw), a fi newydd shafio ngwallt i i gyd bant (wel, Ifan nath wir) er mwyn osgoi gormod o ben-wres yn y Sesiwn Fawr penwythnos 'ma.

Hefyd, fues i'n rhoi rhai safbwyntiau ar y we Gymraeg (gan mod i'n *ahem* arbenigwr) i ferch hyfryd o'r enw Elin Gyrman (Poj, beth yw ei chyfenw hi 'to) ar gyfer ei thraethawd hir ar ddefnydd o'r Gymraeg yn y cyfryngau. Felly, os chi'n nabod hi, siaradwch 'da hi am y peth.

O, a chofiwch hwn os byddwch chi yn Dog Jelly dros y penwythnos...

Dyma pam fi'n dwli ar rygbi Ffrainc

2006-07-02T22:38:00.000+01:00

Triwch ddilyn y rygbi ymysg y trais ar y fideo 'ma:

Clic 1

O, a dyma'r ail hanner:

Clic 2

Ond i ambell burydd yn eich mysg...

Clic 3

Gyda llaw, llongyfarchiadau i fy ffrind ysgol Celyn am ddyweddio â Dave. Blydi hel, dyna deimlo 'mod i'n heneiddio.

Moose 1992-2006

2006-06-28T21:20:00.000+01:00

Cofnod bach er cof am Moose, neu Eddie, y ci ar Frasier, sydd wedi marw yn Los Angeles yn un ar bymtheg oed.

Moose, os wyt ti'n gwrando, wff wff wff, wff wff wff wff. Wff.

Mihangel Owein a'i gyfeillion

2006-06-26T23:35:00.000+01:00

Mae'r byd a'i frawd siwr o fod wedi blogio am hwn erbyn hyn, ond ges i gymaint o hwyl yn darllen hwn heddi'.

Miri, kont.

Fionn Regan

2006-06-26T23:21:00.000+01:00

Newydd ddychwelyd yn flinedig ond yn fodlon o gig Midlake yn y Barfly, Caerdydd. O'n i erioed wedi clywed y band o'r blaen, ac fe ges i'n siomi ar yr ochr orau. Rhyw fath o 'roc epig' sydd gan y band i'w gynnig, ac roedd y perfformiad yn ddigon i sigo hen sinig (Duw, oes 'na gynghanedd fyna'n rhywle?)

Fodd bynnag, perfformiad Fionn Regan wnaeth fy hudo i fwyaf, gyda pherfformiad Nick Drakeaidd a straeon Cohenaidd (iawn, sori, 'na i drio peidio â'i gymharu fe ormod ag artistiaid eraill: roedd e'n unigryw yn ei ffordd ei hun). Dyma ambell drac ar My Old Kentucky Blog i'r rheiny ohonoch chi sy'n meddwl mai gwaith y diafol yw My Space, neu fan hyn i weld perfformiad ar deledu RTE. Ie, Gwyddel oedd y cyfaill; halen y ddaear, craic, bla bla bla.

Blinder. Gwely. Ffarwel.

O.N. Do, fe fuon ni mor blentynaidd â chwerthin at y ffaith fod ganddo fe enw merch. He he! Ffion!

BE, MMJ ac SFA

2006-06-25T19:31:00.000+01:00

Ymddiheuriadau unwaith eto am y diffyg blogio. Fodd bynnag, am i chi fod yn amyneddgar (neu falle ddim), dyma anrheg bach, fel tusw o flodau o garej neu focs o siocledi gwael... oce, na, mae fel modrwy ddiamwnt, gyfeillion! Bright Eyes, boi o My Morning Jacket a Gruff Rhys gyda'i gilydd! Fi'n disgwyl i chi ofyn i fi briodi chi'n fuan... Disgwyliaf yn eiddgar.

Ac i gloi, mae Lloegr yn crap, a fyddan nhw byth yn ennill Cwpan y Byd, ddim os gwna nhw drio am filiwn o flynyddoedd 'to. Wir.

Peter Black a Bethan Jenkins

2006-06-13T23:26:00.000+01:00

Sai'n hoff iawn o gyhoeddi pethau sy'n dilorni'r Blaid mewn unrhyw ffordd, ond fe ddaliodd hwn fy llygad.

Pfff. Fi'n anobeithio.

Newport Action Group

2006-06-13T23:22:00.000+01:00

Mae blog wedi'i ddechrau er mwyn parhau â'r ymgyrchu diweddar a amlygwyd yn y Western Mule (methu anfon dolen achos mae gweinydd y blydi peth yn gwrthod gweithio) i newid enw tîm Dreigiau Casnewydd Gwent nôl i 'Duon ac Ambrau Casnewydd' neu rywbeth cyffelyb.

Rwy'n cefnogi'r Dreigiau (yn gyndyn braidd), ond mae'n amlwg nad yw'r fenter yn gweithio ar hyn o bryd, ac mae'n anodd gweld sut bydd y peth yn gweithio. Fyddai newid enw'r tîm ddim yn newid pethau dros nos, ond byddai mwy o bobl yn cefnogi'r tîm, a fyddai'n arwain yn ei dro at fwy o arian a mwy o fuddsoddiad gan ariannwyr allanol.

Hmmm, picil.

Wassis all abou' 'en?

2006-06-06T22:32:00.000+01:00

Golygfa ryfedda'r dydd: efengyl yn esbonio wrth ddwy ferch ifanc foslemaidd pam eu bod nhw'n ceisio atal Jerry Springer rhag dod i Gaerdydd.

Chwarddais.

Wwwww!

2006-06-05T23:46:00.000+01:00

Ma' sbort i'w gael...

France v Nouveau Zelande

2006-06-01T21:16:00.000+01:00

Petwan i wedi parhau â fy mlog rygbi, byddwn i fod wedi gallu postio pethau fel hyn. Dyna i chi drueni, oui?

O.N. Cullen 13, Umaga 14, Wilson 15? Quoi?

Tawelwch

2006-05-31T20:17:00.000+01:00

Hmmm, bu'n dawel yma... ychydig yn rhy dawel...

Humph, wedi bod yn dost braidd dros y dyddied dwetha' 'ma, felly fe gymres i fy nghyfle heddi' i roi'r gorau i laesu dwylo parthed Pictiwrs a sgwennu cwpwl o adolygiadau. Fe ddylen nhw fod ar y ddalen flaen nawr ac yn aros i'r sbamwyr gael chwarae merry hell 'da nhw. Diawled.

Ho hum, felly beth sydd wedi bod yn digwydd yn ddiweddar. Wel, fel y tystiodd Dwlwen (clicier am lunie ohona' i â rhig ar ôl yfed llawer, llawer gormod o win coch), fe fues i'n dathlu'r ffaith fy mod i bellach yn agosach at fy hanner cant na diwrnod fy ngeni. Un o'r anrhegion sydd angen i fi bori iddo fe yw'r disg digidol hwn a gafodd ei ailddarlledu'n ddiweddar ar Bî Bî Sî Tri (neu Bedwar, methu cofio) ac a'm atgofodd pa mor wych yw'r rhaglen.

Ddoe, bues i'n plesio Caerdydd Gwyrdd yn fy ffordd fach fy hun drwy brynu crys hemp o Oyster Clothing ar ôl y wyrth o ddarganfod rhywbeth sy'n fy ffitio yn y siop (ond dim ond ar ôl darganfod bod crys nad oedd yn fy ffitio flwyddyn a hanner yn ôl bellach yn fy ffitio gyda chrys t oddi tano - diolch Gôl!)

Ta beth, fi am eich gadael chi nawr am gwpwl o wythnose 'to, neu'n fyrrach os bydda' i'n bihafio. Felly, er mwyn gwylltio Ray, dyma ddolen ddiddorol o'r Guardian. Joiwch, y moch!

Achos bod Hedd yn conan...

2006-05-12T00:35:00.000+01:00

Diwedd partneriaeth Disney a McDonalds

2006-05-09T22:59:00.000+01:00

Mae partneriaeth Disney a McDonalds ar gyfer y Prydau Dedwydd wedi dod i ben, yn ôl y sôn achos pryderon Disney am fod yn gysylltiedig â phroblemau gordewdra ymysg plant yn America. Ond, mae DreamWorks a McDonalds wedi taro ar gytundeb, felly s'dim angen becso am McDonalds yn cymryd mantais o'ch plant bach chi yn y dyfodol.

Y fenyw drws nesa'

2006-05-08T22:39:00.000+01:00

O'n i'n siwr i fi bostio am y fenyw drws nesa' (yn rhif naw) haf dwetha, ond sai'n gallu dod o hyd i gofnod am y lodes hoffus. Na, mae'n ddraig. Daeth ein 'digwyddiad' diweddaraf nos Wener a berodd i fi chwerthin (nawr, nid ar y pryd). Roedd cwpwl ohonon ni yn yr ardd gefn yn manteisio ar y tywydd braf, ac fe benderfynon ni aros mas 'na tan yn weddol hwyr. Am 10.30, dyma floedd gan y ddraig yn gweud wrthon ni i gau ein pennau, er nad oedden ni wir yn swnllyd iawn. Cafwyd bytheirio am "I've got kids" ac ati, ond y sylw nesaf oedd orau...

"Jus' fuckin' shurrup, ya Welsh bastards!"
"Welsh bastards? What are you then?"
"I'm from Ely!"

Blogiadur

2006-05-08T22:32:00.000+01:00

Newydd sylwi nad yw'r blog 'ma ar y Blogiadur rhagor. Be ddiawl? Fi moyn 'yn arian i nôl.

Yn 'r'Eye

2006-05-04T23:45:00.000+01:00

Darn bach 'nath fy nifyrru wrth ddarllen y Private Eye diweddara' (ymddiheuriadau am fy niffyg gwreiddioldeb, ond rwyf yn fy ngwin...

At a presentation for American military top brass, Reid (y Gweinidog Amddiffyn) thought he could warm up his audience with a joke. Following Condoleezza Rice's trip to Britain, the minister quoted a few of the more lurid tabloid headlines about Rice's love-in with her opposite number Jack Straw.

"This is exactly the kind of relationship Tony wants us to strike up with our American counterparts," Reid explained, "which is why as soon as this meeting is over, I'll be taking Donald Rumsfeld to the cinema to see Brokeback Mountain with me.

Roedd wyneb Donald yn bictiwr, yn ôl pob sôn.

CDs llychlyd

2006-05-02T23:06:00.000+01:00

Ar ôl siarad pyddwrnod gydag Esyllt sy'n rhedeg Ciwdod am y band gwych Kenickie (blydi hel! mae 'na wefan!), dyma fi'n pori drwy'r bocs llychlyd o dan y gwely sy'n llawn CDs sai'n gwrando arnyn nhw rhagor am eu halbwm - sef 'At the Club' i chwi anffodusion na fu'n ddigon ffodus i fod o oedran priodol i fod yn hoff o'r band hwn (cyfaddefiad bach clou - nes i fennu gyda 'nghariad cyntaf yn gig olaf ond un Kenickie).

Wrth bori, dyma fi'n dod ar draws ambell i berl, ac ambell i beth y byddai'n well gyda fi na fydden i wedi prynu (neu mewn achos neu dda, ei ddwyn). Felly, yn arddull y peth tag na fuodd ychydig wythnose nôl, dyma fi'n creu'n un yn hunan. Ond, diolch byth, dim ond tri cwestiwn sydd, i Dwlwen, Dros, Nic a Chris.

O'r CDs sydd yn eich casgliad, pa un sydd
1. Yn mynd i gael ei daflu i bydew du? (albwm cyntaf Slipknot, wedi'i ddwyn)
2. Yn dwyn gwên annisgwyl i'ch wyneb chi? (albwm Kenickie, uchod); a
3. Yn mynd i adennill ei briodle yn eich casgliad? (ail(?) albwm Fountains of Wayne, gyda Radiation Vibe, Sink to the Bottom, Survival Car a sawl cân wych arall arno)

Pasiwch hwn 'mlaen, os oes diddordeb 'da chi.

Llun ohonof i

2006-04-24T22:29:00.000+01:00

Fi'n eithaf hoff o'r llun isod ohonof i fy hun, a gymerwyd gan fy ffrind Mei pan gawson ni docynnau lletygarwch i gêm anffodus Cymru v yr Eidal 'leni. Fi moyn ei gael fel y llun proffeil, felly fi'n mynd i'w bostio i leihau'r maint...

Diffodd y Teli

2006-04-24T21:40:00.000+01:00

Ro'n i wedi bwriadu gwneud hyn am wythnos nes i fi anghofio a gwylio Ryan Day yn gwneud ei orau yn erbyn Ronnie O'Sullivan (mae'n 12-10 i O'Sullivan ar hyn o bryd - wel, mae'n well na wep salw Kenneth Cranham ta beth). Fydd unrhyw un arall yn trio? All hi ddim bod mor anodd â 'ny, does bosib? Mae'n rhyfedd meddwl faint o deldu fydda' i'n gwylio bron yn ddiarwybod.

O.N. Damo - wylies i'r Simpsons hefyd. Ond defod cyrraedd gartre yw hynny.

Dulyn?

2006-04-20T23:20:00.000+01:00

Newydd fod draw i Blog Heb Enw, a gweld y cofnod hwn ynghylch i ba ddinas y'ch chi'n perthyn yn Ewrop. Wel, blydi Dulyn oedd y dewis, dife. Nag yw pwy bynnag sy'n cynllunio'r rhaglenni 'ma yn darllen y blog? Beth sy'n bod arnyn nhw?

Ond wedi gweud, mae'r disgrifiad yn un addas...

You Belong in Dublin

Friendly and down to earth, you want to enjoy Europe without snobbery or pretensions.
You're the perfect person to go wild on a pub crawl... or enjoy a quiet bike ride through the old part of town.

What European City Do You Belong In?

Y claf

2006-04-18T21:48:00.000+01:00

Hmmm, ar hyn o bryd, rwy'n glaf. Yn ogystal â chlais sy'n prysur ymchwyddo ar fy nghoes o ganlyniad i gael pêl yn glec yn fy nghoes o ryw ddwy lath yn y pêl-droed heno, fi 'di colli teimlad yn fy mys bach a 'mhedwerydd bys ar y llaw chwith. All rywun esbonio hyn? Fues i'n beicio lan i Abercynon a nôl ddydd Sul, ac ers 'ny, fi 'di colli teimlad yn y ddau fys 'na. Rhywbeth i neud da gafael yn yr handlen rhy gryf, o bosib. Atebion gan y boffins meddygol isod, thenciw.

Ta beth, neges i checo mewn yw hon anad dim. Ond, gan fod Y Rheng Flaen (na, dim dolen, 'chos) 'di marw, dyma stori led-rygbiol a'm ticlodd. He. Gwyddelod uffern.

A bientot.

Neges 'dyw'r blog heb farw' #435

2006-04-09T18:41:00.000+01:00

Henffych, un ac oll. Hmmm, ie, mae dros bythefnos ers i'r blog gael ei ddiweddaru ddiwethaf. Ymddiheuriadau. Ond, wel, mae'r gwanwyn wedi cyrraedd o'r diwedd, a finne'n manteisio ar y tywydd braf (heblaw am y gwynt) a fy meic newydd. Bues i i Nantgarw ddoe, ond penderfynes i yn erbyn mynd yr holl ffordd i Bontypridd. Dim byd yn erbyn Pontypridd, ond roedd deunaw milltir arall o seiclo yn drech na fi.

Hmmm, rhyw fath o grynhoad o'r hyn fi 'di neud yn ddiweddar... (he he he, mae hyn yn fy atgoffa o gartwn diweddar yn y Private Eye gyda chymeriad yn dweud 'I just have to update my blog', ac mae 'me me me' yn ymddangos ar y sgrin)...

Byw, sbo. Fi'n diflasu ar gyfrifiaduron ar ôl treulio diwrnod yn y gwaith, felly mae ymlacio gyda photel o win, mynd am dro, neu whare pêl-droed yn ymddangos yn fyw dymunol i fi nag iste o flaen cyfrifiadur 'to.

Reit, fi'n mynd i ddarllen Ffawd, Cywilydd a Chelwyddau, sydd, hyd yn hyn, yn llyfyr difyr a dychanol. Ta-tee byes. (diawl, am gofnod diflas a phretenshys)

O.N. Bobl Cymdeithas yr Iaith, bydd cyfarfod rhanbarth Morgannwg-Gwent am hanner 'di saith nos Fawrth (11.4.2006) yn y Wetherspoons, y Coed Duon. Mae e gyferbyn â'r Stiwt, sydd ar yr Hewl Fawr drwy'r dre.

Tag?

2006-03-21T21:21:00.000Z

Shit, fi'n teimlo fel y plentyn ag anghenion arbennig oedd jyyyyst yn cael bod yn yr ysgol 'normal' nawr, achos dim ond newydd sylwi ydw i i fi gael fy nhagio DROS FIS YN ôL (shit, beth yw'r cod ar gyfer priflythyren o gyda tho?) gan Ming the Merciless y byd blogio Cymraeg, Nic 'Moooooorfabloooooog' Dafis. Sori, syyyy, mae fi ddim wedi cael amser i blgoio, syyyy, a nawr mae fi'n sbiwio meddwl fi dros y compiw'y, syyyy.

Reit, bant â'r cart. Fydd 'na unrhyw un ar ôl i'w tagio yn y byd blogio Cymraeg, sgwn i?

Pedwar swydd dw i wedi’u cael

Torrwr winwns pwdr
Sythwr pasteiod
Barman
Cyfieithydd

Pedwar ffilm gallaf eu gwylio drosodd a throsodd

Annie Hall
Withnail and I
La Bout de Souffle (Breathless yn Saesneg)
24 Hour Party People (am y gerddoriaeth)

Pedwar lle dw i ewdi byw ynddyn nhw

Pontllanfraith
Coventry
Leamington Spa
Caerdydd

Pedwar rhaglen teledu dw i eu caru

Our Friends in the North
Spaced
Twin Peaks
The Day Today

Pedwar lle dw i wedi bod ar wyliau

Llwybr Mynyddoedd Appalachia, UDA
Zellamsee (sillafu?), Awstria
Amsterdam, Yr Iseldiroedd
Dulyn, Iwerddon

Pedwar o’m hoff brydau bwyd

(pob un namyn un yn bethau fi'n eu coginio, am fod gennyf ben mawr)

Cawl cig oen
Casserole selsig a phaprika
Cig eidion wedi'i rostio ar winwns coch
Brecwast 'Dutch 'n' 'alf' Caffi Calcio, Caerdydd

Pedair gwefan dw i’n ymweld â nhw bob dydd

Maes-E
Gwlad
bbc.co.uk
Wikipedia

Pedwar lle hoffwn i fod y funud hon

(Mae hi'n hanner 'di naw y nos, felly nid y funud hon fel y cyfryw)

Ar ben Twm Barlwm
Hot Springs, Gogledd Carolina
Yn cerdded rhwng Cwm Tydu a Cheinewydd
Yn cael peint ar wal yr Anglesey, Caernarfon

Pedwar blogiwr dw i’n eu tagio

(yn dilyn ymchwil i weld pwy sydd ar ôl)

Dyn Gwyn Gwirion
Hogyn o Rachub
(ars, methu ffeindio mwy... Dwlwen a Sara, rhowch ateb i ystyr bodolaeth anghenfil y peiriant golchi sy'n bwyta sanau. Pam sanau? Pa beth yw ei ddiben? A fydd yn ein llyncu i gyd yn y pen draw? Diolch)

Newidiadau i Pictiwrs

2006-03-21T21:16:00.000Z

I chwi (y miloedd) sydd wedi bod yn poeni (a heb fod yn darllen blog y Nwdlyn), dyw gwefan Pictiwrs heb farw mae jyst yn drewi... hei, pwy ddwedodd hynna?

Na, mae gwaith mawr yn mynd rhagddo i lunio gwefan stoncin newydd sbon lle bydd pawn yn cael cyfrannu. Mae bron wedi benu, gyda'r holl waith yn cael ei wneud ~~gennyf i~~ Mr Nwdls, a finnau, y diogyn 'di neud bron dim.

Felly, ymunwch da chi, pan fydd y peth wedi'i gwblhau.

Pictiwrs C'f'r'dd'n

2006-03-21T21:14:00.000Z

Rhag ofn nag y'ch chin gwbod ac yn gallu dod...

Y pwythwr pathetig

2006-03-21T21:07:00.000Z

Wel, tipyn o gamp i fi heddi. Fe weles i ein hannwyl Dafydd Teiliwr am y tro cynta'. Nes i ddim sylweddoli ar y pryd, ond wir i chi, dyna pwy oedd e. Mae'n edrych yn ifanc iawn, whare teg, felly fydd dim problem yn y reslad braich anochel. Os cofia' i greu Moblog gan ddefnyddio'r ffôn newydd, falle gewch chi lun newydd ohono fe a'i wyneb ffres bob wthnos!

Lan Fy Stryd I

2006-03-09T01:57:00.000Z

Wele wefan sy'n cynnig dadansoddiad o lle chi'n byw, rhag ofn eich bod chi'n meddwl eich bod chi ar fin symud mewn drws nesa' i alsatian terfysgol sydd â'r gynddaredd ac ar ASBO.

Felly, tra bues i unwaith yn byw mewn ardal fel hyn:

Often, many of the people who live in this sort of postcode will be skilled workers living in semis and terraces. These are known as type 41 in the ACORN classification and 3.38% of the UK’s population live in this type.

Neighbourhoods fitting this profile are found throughout the UK including Blackpool, Stevenage, Crawley, Neath Port Talbot, Harlow and the Wear Valley. Here is an overview of the likely preferences and features of your neighbourhood:

Family income Low
Interest in current affairs Low
Housing - with mortgage Medium
Educated - to degree Low
Couples with children Medium
Have satellite TV Medium

Shopworkers and skilled blue-collar workers employed in manufacturing and other manual occupations make up the bulk of households in these areas. The age profile is similar to the UK as a whole with a mixture of singles, couples, families and retired people.

Housing is predominantly terraced and semi-detached, with relatively few flats and detached houses. Houses are relatively small, usually with two or three bedrooms. Most are buying their property on a mortgage, although there are some renting privately.

Car ownership is in line with the UK average, with around 75% of households owning a car. Cars are likely to be lower value models, often bought second hand.

Incomes are moderate rather than low. This is reflected in slightly lower than average holdings of ISAs and stocks and shares, which are likely to be demutualisation and privatisation stocks. Consumers in this type are much more likely to use a traditional bank or building society branch to make financial transactions than the Internet or other direct channels.

Interests include camping and caravanning, angling, bingo and the pub. Cable TV subscriptions are also above average for this group.

Preferred newspapers include the Daily Mirror and The Sun, with the Sunday Mirror, News of the World and The People at weekends.

rwy' bellach yn byw mewn ardal fel hyn:

Often, many of the people who live in this sort of postcode will be well-off professionals living in larger houses and converted flats. These are known as type 13 in the ACORN classification and 0.87% of the UK’s population live in this type.

Neighbourhoods fitting this profile are found in many urban areas of the UK, but particularly in London (Kensington and Chelsea, Wandsworth, Ealing, Richmond-upon-Thames and Fulham). Edinburgh and university towns such as Durham, Oxford and Cambridge als Here is an overview of the likely preferences and features of your neighbourhood:

Family income Very high
Interest in current affairs Very high
Housing - with mortgage Medium
Educated - to degree Very high
Couples with children High
Have satellite TV Low

These are predominantly well-off professional people living in urban areas of the UK. Most are well educated individuals in professional and managerial occupations, but there are also students and young singles starting out on their careers.

Houses tend to be large, with four or more bedrooms, often in Georgian and Victorian terraces. Many are owner-occupied by professional couples and families. There are also high levels of converted flats, some of which are privately rented. The younger singles in these areas will often be sharing flats and houses.

Car ownership is high, reflecting the wealthy nature of these neighbourhoods, but because of their urban location, travel to work is mostly by public transport.

Incomes tend to be high, with many residents earning over £50,000 a year. They are financially aware and have high levels of savings and investments. They also have high levels of credit card useage. These technologically sophisticated consumers make great use of the Internet for financial services, as well as buying other products and services.

They enjoy the arts, including theatre, classical music, opera and the cinema. The most widely read newspapers are The Guardian, Independent, The Times and Observer. Foreign travel and skiing are popular leisure activities.

Dyna i chi euogrwydd symud lan yn y byd...

Gosteg y blog

2006-03-06T17:35:00.000Z

Ymddiheuriadau unwaith eto am dawelwch y blog. Mae'n teimlo fel oes ers i fi ddiweddaru'r peth yn iawn. Byth yn cael cyfle dyddie' 'ma, chwel? Ar hyn o bryd, fi'n bod yn dda yn chwarae badminton a phêl-droed (er sai byth yn colli blydi pwyse chwaith), a mynd i'r theatr. Pethau gwerth chweil fel'na, ch'mod?

Hefyd, yn ddiweddar, fe fues i i Ddulyn yn dilyn ein tîm GWARTHUS ar eu hantur ffôl yn Heol Lansdowne. Roedd uchafbwyntiau'r daith yn cynnwys cael fy mygwth gan foi oedd yn trio gwerthu coke i ni (dywedais wrtho fynd i ff*cio) a fy ffrind Mei yn cael ras yfed gyda n'hen giffar (geirie Mei) yn nhafarn yr Ha'penny ger Temple Bar. Rhaid gweud bod Cymry'n llawer mwy cyfeillgar na phobl Dulyn o bell ffordd. Ai myth yw'r syniad 'ma bod pobl Iwerddon yn ffein?

Wel, ta beth, fi'n mynd i whare pêl-droed nawr. Gobeithio ga' i gyfle i flogio cyn hir, achos byddai'n drueni i'r blog drengi ar ôl bod yn cadw'r peth ers tua blwyddyn a hanner. Adroddiad wap, os byw ac iach...

Ail iaith?

2006-02-21T20:05:00.000Z

Yn ôl y Beeb, dyw chwe deg dau y cant o boblogaeth Prydain ac Iwerddon ddim yn gwybod iaith heblaw am eu mamiaith. Bydden i'n dychymgyu bod y nifer yn uwch na hynny, ond does dim meini prawf yn yr erthygl o ran beth yw 'gwybod' iaith.

The survey also found that Britons had a low opinion of their linguistic abilities with 24% stating that "people in my country are good at speaking other languages", compared with an EU average of 44%.

Deiseb yn galw am ddwyieithrwydd

2006-02-14T18:49:00.000Z

Mae deiseb yma yn galw ar SNCF, un o gwmnïau trafnidiaeth mwyaf Ffrainc, i roi mwy o gydnabyddiaeth i'r Lydaweg ar eu harwyddion.

Rhaid cyfaddef, mae rhan ohona' i, wrth arwyddo deisebau o'r fath, yn gobeithio y bydd hyn yn arwain at fod nôl mewn cysylltiad â'r teulu Llydaweg ei iaith y buom ni'n aros gyda nhw yn Llydaw sawl tro. A! dyddie da!

Gwenno Teifi

2006-02-13T22:26:00.000Z

Cafodd Gwenno Teifi ei hanfon i'r carchar heddi am wrthod talu dirwy yn sgil difrod i offer yng ngorsaf Reeeedio Carmarthenshire ym mis Awst 2004. Bydd hi yng ngharchar troseddwyr ifanc Swydd Gaerloyw am bum niwrnod, felly anfonwch lythyr o longyfarch (neu gondemnio os y'ch chi'n teimlo felly at Gwenno Teifi Ffransis, Young Offenders Wing, HMP Eastwood Park, Felfield, Wotton-under-Edge, Swydd Gaerloyw, GL12 8DB.

Comisiwn iaith Plaid Cymru

2006-02-13T20:09:00.000Z

Comisiwn Polisi Plaid Cymru - cam ymlaen dros achos yr iaith

Mae Plaid Cymru wedi cyhoeddi lansiad ei Chomisiwn Iaith Gymraeg. Mae'r Comisiwn, y cyntaf o'i fath, yn un o gyfres o gomisiynau polisi sy'n rhan o'r rhaglen 6 mis 'Gwrando ar Gymru' y mae'r Blaid yn ei chynnal.

Bydd Llywydd y Blaid, Dafydd Iwan, a Llefarydd y Blaid ar Ddiwylliant a'r Iaith Gymraeg, Owen John Thomas, AC yn lansio'r comisiwn mewn cynhadledd i'r wasg heddiw.

Dywedodd Owen John Thomas:

"Elfen bwysicaf y gwaith o greu Cymru ddwyieithog fydd ein hysgolion Cymraeg. Mae dwy ran o dair o'r siaradwyr Cymraeg sydd rhwng 5 a 15 mlwydd oed yn dod o gartrefi di-Gymraeg.

Mae ymagwedd y Llywodraeth Lafur yn ddiffygiol iawn gan nad ydynt yn rhoi'r arweiniad angenrheidiol i awdurdodau lleol iddynt allu sicrhau bod darpariaeth i gwrdd â'r galw am addysg cyfrwng Cymraeg. Er enghraifft, yn ardal Rhondda Cynon Taf, yn Aberdâr, mae 80 o blant yn dymuno mynd i ysgol cyfrwng Cymraeg, ond dim ond 32 o lefydd sydd ar gael. Gobeithio y gwnaiff yr awdurdod addysg lleol ddod o hyd i ateb i'r broblem hon - a hynny ar frys.

Ble mae strategaeth genedlaethol llywodraeth Rhodri Morgan er mwyn sicrhau cynllunio ymlaen llaw ym maes Addysg Cyfrwng Cymraeg?"

Ychwanegodd Llywydd y Blaid, Dafydd Iwan:

"O'r pedwar Comisiwn sy'n cael eu sefydlu fel rhan o'r rhaglen cysylltu gyda'r bobl dros y misoedd nesaf, y Comisiwn Iaith yw'r cyntaf. Mae'n briodol am ein bod yn cyhoeddi hyn ar yr un dyddiad ag y Traddododd Saunders Lewis ei ddarlith 'Tynged yr Iaith' 44 mlynedd yn ôl.

Mae'n amser iawn i edrych yn fanwl ar sefyllfa'r iaith yng Nghymru heddiw, siarad gyda'r rhai sy'n gweithio gyda'r iaith mewn addysg a'r gyfraith, llywodraeth a'r gweithle, a manylu ar yr hyn y carau ni fel Plaid Cymru ei weld.

Bydd hyn wrth gwrs yn cynnwys dyfodol Bwrdd yr Iaith ac union ffurf Deddf Iaith Newydd. Mae'n bwysig ei'n bod ni yn hollol glir ar ei'n polisi iaith ond nid gwaith i un blaid yw sicrhau dyfodol iaith. Rhaid i hynny ddod drwy gefnogaeth ar draws y pleidiau i gyd."

David Coles

2006-02-08T18:47:00.000Z

Disgwyliwch lythyr eithaf cas (os galla' i ffrwyno fy nicter yn ddigonol) yn y Western Mail cyn hir...

SIR - Wales is already blessed with a worldwide language - English.

Why should Wales waste its minute financial resources on a minor unintelligible dialect?

This waste to the Welsh economy is due to the costs of backing the Welsh language and his political party by Rhodri Morgan.

English is the main language in Wales and completely used in education at all levels in Wales.

Why alter a good system?

English is the ideal language of commercial, technical, medical and artistic usage for most of the inhabitants of our planet.

Why should not Wales follow the rest of the world?

Throughout my lengthy working spells in many countries I have been often required to help inhabitants to improve their knowledge and usage of English.

One such international assignment managed by myself lasted over three years in China. Funded by a World Bank offshoot, it utilised German, Italian, Japanese and American engineers and equipment and was made a great deal easier by trading English lessons with my Chinese colleagues.

So beneficial to the project were these lessons, that my wife and children were allowed to visit China as honoured guests.
DAVID J COLES
Old Pen-y-Garn, Pontypool

Mae'n rhaid mai rhywun o'r Gymdeithas neu'r Blaid sy'n ceisio ennyn ymateb i ddod â mater yr iaith i'r agenda yw hyn, does bosib? Plis, allwch chi gysylltu â fi'n ddi-enw i gyfadde'r peth...

Lowri Turner

2006-01-31T18:53:00.000Z

Ach! Byth yn cael cyfle i flogio dyddie 'ma, a phan ydw i, fi'n gwastraffu 'nghyfle yn trafod y fenyw wirion 'ma a'i sylwadau gwarthus. Pwy benderfynodd bod angen i bobl Cymru glywed ei safbwyntiau gwag?

Cardiau Santes Dwynwen

2006-01-25T21:48:00.000Z

Dim un. Dim blydi un.

Sniff.

Google China

2006-01-25T21:38:00.000Z

Gwrthdaro amlwg rhwng polisi Google yn China a Google yn UDA rhwng cefnogi gwaith y llywodraeth a gwrthsefyll gwaith y llywodraeth.

Kevin Brennan... ar garlam...

2006-01-25T00:05:00.000Z

Chi'n cofio i fi sôn am y tro cynta' i fy aelod seneddol siarad yn y senedd (wel, siarad, a'i eiriau wedi'u cofnodi yn Hansard). Mae e wrthi 'to!

Mae e'n prysur ennill fy mhleidlais i.

Chase me ladies, I'm in the cavalry

2006-01-25T00:03:00.000Z

Weithiau, fi'n cael breuddwydion hyfryd lle mae'r blog 'ma mor ddoniol â hwn.

Y wawr. Fy ngelyn tragwyddol.

Cyfarfod Deddf Iaith Newydd

2006-01-24T23:31:00.000Z

Heno, bues i yn y cyfarfod Deddf Iaith Newydd a drefnwyd gan Gymdeithas yr Iaith. Ar adegau, roedd y cyfarfod yn ymylu ar 'preaching to the converted', ond cafwyd trafodaeth ddifyr serch hynny. Siaradodd yr Athro Colin Williams yn dda dros ben, gan sôn am bethau na feddyliais i amdanyn nhw o'r blaen, fel y ffaith i'r chwyldro ieithyddol mewn llefydd fel Quebec a Chatalunya gael eu harwain gan y werin bobl, undebau llafur ac ari, yn hytrach na'r intelligentsia, sy'n dra gwahanol i'r sefyllfa yma yng Nghymru.

O ran cynrychiolwyr y pleidiau gwleidyddol, cafwyd cynrychiolaeth dda gan y Blaid, gydag Owen John Thomas yn rhan o'r panel a DI yn rhoi sylwadau tua diwedd y cyfarfod. Yno, cyfaddefodd nad yw'r Blaid wedi rhoi sylw teilwng i'r iaith yn ddiweddar ac y bydd gwaith yn mynd rhagddo i unioni hynny. Gobeithio y bydd hynny dal yn wir o fewn blwyddyn, â'r Blaid yn prysur frwydro am bleidleisiau yn y Cymoedd.

Cefais fy siomi ar yr ochr orau gan Lisa Francis, a siaradodd yn dda (yn Gymraeg ac yn Saesneg) o blaid cael comisiynydd annibynnol ar gyfer materion yr iaith, ond a oedd yn rhy awyddus i drafod hawliau siopwyr bach. Digon gwamal a di-ddim oedd cyfraniad Eleanor Burnham, gan roi'r ateb 'yyyymmm, bydd rhaid trafod hynny yn ein cynhadledd'.

Ond pa le'r oedd Alun Pugh?

Poster Pictiwrs yn y Pyb

2006-01-22T22:47:00.000Z

Pictiwrs yn y Pyb - 5.2.2006

2006-01-17T20:58:00.000Z

Bydd y PyyP (o am deitl gwych!) nesaf yn cael ei gynnal yn Nhafarn Dempseys, ddydd Sul 5 Chwefror. Mae hwn ddiwrnod ar ôl gêm Cymru yn erbyn ~~y sgym~~ ein cymdogion hoff, Lloegr, felly falle bydd y pen yn dal i ddrybowndian o'r DATHLU (ie, ie, cadwer y ffydd, Geraint, cadwer y ffydd...). Dyw'r poster heb ei bostio ar y we 'to, ond mae'n WYCH! Na i bostio fe yn y man, felly cadwch lygad mas, beis.

Edrychwch i'r chwith... aaaaaargh!

2006-01-17T20:56:00.000Z

Cymryd bod pawb wedi gweld hwn, ond ai un o bobl Scymraeg sy'n gyfrifol? Rwy' wedi cael sawl e-bost yn y gwaith gyda lluniau pobl Scymraeg sy'n honni'u bod yn gwbwl wreiddiol... sheesh!

Haerllugrwydd

2006-01-17T20:54:00.000Z

Oes 'na unrhyw un sy'n fwy haerllug na phobl sy'n siarad mewn sinemâu neu theatrau? Atebwch, plis...

O fewn rheswm, os gwelwch yn dda. Dyw hil-laddiad ddim yn cyfri' fel haerllugrwydd.

Gweithredoedd Jiwdas - rhan o gynllun Duw?

2006-01-12T21:04:00.000Z

Yn ôl y stori hon yn y Times, roedd y ffaith i Jiwdas Iscariot fradychu'r Iesu yng Ngardd Gesthemane oll yn rhan o gynllwyn ehangach gan Dduw. Felly, mae'r Eglwys Gatholig wrthi'n ceisio ail-lunio hanes Jiwdas a'i effaith ar y stori gyfan, yn rhannol i helpu'r berthynas rhwng Cristnogaeth ac Iddewiaeth.

Oes unrhyw un arall yn dechrau meddwl am Bill Hicks a'r 'prankster God'?

Hype Machine

2006-01-10T23:29:00.000Z

Oce, falle bod pawb wedi clywed am hwn heblaw amdana' i, ond mae e'n dda iawn, reit?

Llongyfarchiadau i Kevin Brennan!

2006-01-10T23:21:00.000Z

Ychydig cyn symud ty nôl ym mis Mehefin, clywes i am wefan They Work For You ar flog Rwdls Nwdls. I unrhyw un sydd ddim yn gyfarwydd â'r wefan, mae'n cofnodi pob dim sy'n cael ei ddweud yn San Steffan yn Hansard ac yn hala e-bost atoch chi bob tro mae'ch aelod yn siarad.

Wel, fe ges i un neges e-bost am gwestiwn gan Kevin Brennan (Kevin Brennan?) pan o'n i dal i fyw draw yn y Rhath, ond gallaf gyhoeddi heddiw fy mod i newydd gael fy e-bost cyntaf o rywbeth ddywedodd Kevin yn y Senedd tra mod i'n byw yn ei etholaeth... (drum roll)... TADA!

Cwis cyntaf ar ôl 'Dolig... NOS FERCHER!

2006-01-09T22:15:00.000Z

Wel, ymddiheuriadau i unrhyw sy'n dod fan hyn ac yn darllen Gwlad am eich diflasu gyda hysbysebion ar gyfer y cwis tafarn fi a Dwlwen, y BASDADS DIGYWILYDD, ond mae'n rhaid cael y punters mewn rhyw ffordd, ond oes e, eh?

Ta beth, mae e mlaen nos Fercher 'ma (11.1.2006), yn y Goat Major am 8.30. Ond falle fydd y cwisfeistr yn hwyr. O, ac mae angen iddo fe sgwennu'i hanner e o'r cwis. Ond heblaw am 'ny, mae popeth dan reolaeth.

Ffiw.

Cyfarfod Rhanbarth nos fory!

2006-01-09T22:14:00.000Z

Cyfarfod Rhanbarth Morgannwg Gwent

7.30 nos Fawrth 10 Ionawr 2006

Clwb y Bont, Pontypridd

Manylion gan Branwen Evans: branwen@cymdeithas.com

Geraint, Ifan, a pwy...? (sori)

2006-01-04T21:34:00.000Z

Geraint, Ifan, a pwy...? (sori)
Originally uploaded by Dwlwen.

Hmmm, llun o'n hunan fi'n eitha' hoff ohono... (ma'r ffags ar eu ffordd mas, gyda llaw).

Euogrwydd

2006-01-04T21:21:00.000Z

Dyw Pictiwrs heb gael ei ddiweddaru ers jyst cyn Dolig. Fe es i i weld The Producers, sef y fersiwn ffilm o fersiwn sioe gerdd o fersiwn ffilm Mel Brooks. Yn anffodus, s'dim awydd gyda fi sgwennu adolygiad am ffilm oedd ddim at fy nant ac oedd, mewn gwirionedd, braidd yn ddiflas. Hence, yr euogrwydd rwy'n ei deimlo. Ond, ar yr ochr orau, chi newydd gael rhybudd cryno i beidio â gweld y ffilm, yn hytrach na fersiwn mal-gachlyd, hirwyntog, siarad mas o fy nhin am ryw bum can gair ar wefan wahanol. Gwd, eh?

Ond, yn y dyfodol agos, darllenwch adolygiadau o Jarhead, A Cock and Bull Story, Brokeback Mountain, Match Point, .Walk the Line a llawer mwy. Wwww, fi'n joio mis Ionawr yn y sinema heb y blockbusters!

Pitchfork: sawl un s'da chi?

2006-01-04T19:02:00.000Z

Mae pobl ffynci Pitchfork wedi cyhoeddi rhestr o'r 50 albwm gorau yn 2005. Yn anffodus, mae fy mys ymhell o fod ar y pyls, a dim ond tri ohonyn nhw s'da fi, sef rhif 42, rhif 26 a rhif un. Ond, er iddo gael 8.7 nôl ym mis Ionawr, does dim lle i fy ffefryn an y flwyddyn. Hmmm, falle bod hwnna ddim yn cyfri fel 2005 te...

"in Wales the language is pretty much recovered"

2006-01-04T18:49:00.000Z

Hmmm, fel arfer, rwy'n ffan mawr o Noam Chomsky, ac mae'n siarad llawer o synnwyr yn yr erthygl hon am genedl-wladwriaethau a datganoli i ffwrdd o'r norm. Ond gwell i rywun ddweud wrth y bobl oedd yn y rali ddydd Llun achos

In Wales and Scotland there's a degree of devolution in the languages. Not in Scotland, but in Wales the language is pretty much recovered. It's a very unnatural system.

Mae'r boi'n ymddiddori mewn cryn dipyn o feysydd, ac mae'n teimlo i fi fel ei fod e wedi gweld rhyw ystadegyn neu ddau ac wedi cymryd yn ganiatol mai dyma'r sefyllfa wirioneddol. Ond yn anffodus, fel y'n ni'n gwybod, mae'r sefyllfa'n wahanol iawn, heb statws gwirioneddol i'r iaith na'n hawliau yn cael eu gwireddu mewn sawl maes.

"Siarc Marw, cylchgrawn digon blêr yr olwg..."

2005-12-29T15:37:00.000Z

Hwre! Welodd unrhyw un arall erthygl Lefi Gruffydd yng nghylchgrawn y Western Mail noswyl Nadolig? Penderfynodd drafod y diffyg cefnogaeth i ffilmiau Cymraeg eu hiaith, wedi iddo ddarllen erthygl Mr Nwdls am y diffyg enbyd o ffilmiau nodwedd (ffilmiau hyd llawn? ffîtshyr ffilms, dife). Ond, bwysicaf oll, disgrifiwyd ein prosiect bach fel "cylchgrawn digon blêr yr olwg". Mae'n ystrydeb, ond mae'n wir, ffêm, ffêm, it can plê hidiys trics on the brên...

Fi'n credu bod copïau ar ôl 'da ni o hyd, felly halwch e-bostyn bach draw i'r cyfeiriad arferol (siarcmarw AT yahoo DOT co DOT uk). Y bobl sgryffi yw'r bobl cwl wastad ta beth.

Cwestiwn i'r mathemategwyr yn eich plith

2005-12-20T20:56:00.000Z

Os yw beic yn teithio oddeutu 15 mya (neu 25 cya, ie?), ac mae bwlch o oddeutu hanner metr rhwng y ddwy olwyn, faint o amser sydd gan wiwer i gael ei ffordd rhwng olwynion y beic heb gael ei niweidio o gwbl?

Diolch.

Cwpwl o draciau...

2005-12-18T14:08:00.000Z

gan Denzil Dexter ar y Maes. Newydd wrando ar Rym, Coke a Whisgi sy'n eitha' da, ac mae e wedi postio trac arall, sef Lliwia Dy Ddarlun, ond heb wrando ar hwnna 'to. Maen nhw'n addawol, 'chan.

Diwrnod tawel, diog heddi, ar ôl wthnos gyfan ar y lash. Bleurgh.

MP3s byw Iron and Wine a Calexico

2005-12-13T22:18:00.000Z

Fi'n mynd i weld y rhain yn chwarae mewn gig gyda'i gilydd ym Mryste ym mis Ebrill. Joiwch, tra 'mod i'n estyn potel arall o win...

Tookie Williams

2005-12-13T21:57:00.000Z

Ymddiheuriadau am roi fy het pinko liberal nôl 'mlaen ar ôl addo bod yn llai ymhongar fy ngwleidyddiaeth, ond fe ges i fy nghynddeiriogi'n ofnadwy bore 'ma gan y newyddion fod y cyn-arweinydd gang, Stanley 'Tookie' Williams, wedi'i ddienyddio yn America yn oriau mân y bore. P'un ai a gyflawnodd e'r drosedd yr honnir iddo ai peidio, roedd y dyn yn amlwg wedi newid ei farn am drais a'r diwylliant o gangiau sy'n bodoli mewn llawer o ddinasoedd mawr yn UDA, ac wedi mynd ati i gondemnio agwedd o'r fath.

Rhaid gofyn y cwestiwn: beth yw diben carchar os nad yw'r system gyfiawnder yn credu mewn adferiad ac adsefydlu? A pha neges mae America'n ei chyfleu drwy lofruddio rhywun a fu'n ceisio'i orau i leihau trais ymysg grwpiau lleiafrifol yn y wlad?

Ymddiheurons #2: neges i Blogel

2005-12-06T18:32:00.000Z

Henffych un ac oll, dyma fi nôl. Popeth yn mynd yn eitha' da yn y swydd newydd, ond dal i ganfod fy nhraed. Er nad ydw i'n gwneud rhyw lawer ar hyn o bryd, mae'n waith blinedig gorfod dysgu cant a mil o bethe a chael fy ngharto amboutu'r lle i weld pethe a chwrdd â phobl newydd.

Reit, i ateb cwestiwn Blogel isod, ffansin gennyf i a Dwlwen yw Siarc Marw, rhyw fath o ymgais at gyhoeddiad 'one size fits all' sy'n cwmpasu cerddoriaeth, celf, ffilmiau etc sy'n arloesol, Cymraeg a ddim yn cael digon o sylw yn y prin gyhoeddiadau s'da ni drwy gyfrwng y Gymraeg. Feeeelly, os y'ch chi awydd cael copi, anfonwch e-bost at siarcmarw AT yahoo DOT co DOT uk, neu dewch i'n noson lansio yn Callaghans nos fory (poster isod).

Gyda llaw, gwrandewch ar The Decemberists. Maen nhw'n wych. Ta tic tac tan to titbit.

Ho! Ho! Ho!

2005-11-30T15:43:00.000Z

Dyw fy addewid o gau fy mhen am yr wythnos ddim yn cael ei wireddu, fe ymddengys, achos dyma fi 'to. Sôn ydw i tro 'ma am gasgliad o ganeuon Nadoligaidd Cymraeg gan label Boobytrap, sef label Huw Stephens a rhyw foi o'r enw Baz. Sai 'di clywed y peth 'to, ond gyda Gwyneth Glyn ac Alun Tan Lan ymysg yr artistiaid, all y peth ddim bod yn rhy wael.

Popeth yn Gymraeg

2005-11-29T10:06:00.000Z

Neithiwr, gwylies i raglen newydd ar Sbrec, sef Popeth yn Gymraeg, gyda'r bardd Ifor ap Glyn. Os nad y'ch chi wedi dod ar draws y peth 'to, y syniad tu ôl i'r rhaglen yw bod Mr ap G yn teithio o amgylch Cymru gan ddefnyddio'r Gymraeg bob tro. Heddi', gweles i ddolen ar flog Nic at flog Popeth yn Gymraeg, os y'ch chi eisiau mynd draw i gael pip ar feddyliau Ifor ap Glyn am wneud y rhaglen.

Neithiwr roedden nhw yng Ngwent, ond, i'r rhai mwy craff yn ein mysg, roedd 'na gamgymeriad amlwg ar y dechrau...

Ymddiheurons

2005-11-28T10:38:00.000Z

Mae'n bosib y bydd y blog yn dawel wythnos 'ma. Newid swydd, chwel, a mae'r Siarc yn cael ei lunio. Fe fydda' i'n blogio pan gaf i gyfle.

Blynyddoedd Thatcher

2005-11-22T15:59:00.000Z

Mae teclyn diddorol ar wefan y BBC sy'n dangos yn glir na fu unrhyw streiciau sylweddol yn y nawdegau achos bod pawb gartre'n gwylio fideos.

Mawredd Mawr, mwy o grap!

2005-11-21T16:38:00.000Z

Dyma siart goreuon Mawredd Mawr eleni, ac mae'n llawn o'r crap arferol fel 'Ceidwad y Goleudy' a 'Harbwr Diogel'. Dyw hi'n fawr o syndod nad yw fy nhri dewis i wedi cael lle yn y siart, gan mai'r tair cân ddewisais i oedd 'Myddyffycys yn Bob Man' gan MC Mabon, 'Cân i Gymry' gan Datblygu a 'Merched Dan Bymtheg' gan Y Trwynau Coch. Oes 'na ymgais go iawn i gadw caneuon fel hyn mas? O weld rhai o'r caneuon tua diwedd y rhestr, byddwn i'n awgrymu oes, yn bendant.

"O, y geeks"

2005-11-19T00:30:00.000Z

Nos Fercher, es i a chwpwl o ffrindiau i gwis Cymraeg yn y Goat Major ar gyfer rhaglen Hacio. Roedden nhw'n ffilmio pethau ar gyfer eitem am y prawf Prydeindod, ond dim ond yr hanner can punt oedd ar ein meddyliau ni.

Ta beth, gan mai ni sydd fel arfer yn cynnal y cwis Cymraeg yn y dafarn, fe enillon ni wrth gwrs. Yn y gwaith heddi, roedd fy nghefnder Ifan yn siarad gyda merch oedd wedi helpu'i chwaer i drefnu'r cwis ac oedd yno ar y noson. "O," meddai Ifan, "oedd 'y nghefnder i yn y cwis nos Fercher." "O ie," meddai hi, "ym mha dîm oedd e?" "Y tîm enillodd," meddai fe. "O, y geeks..." oedd ei hymateb.

Gwenais.

Ymhongar, moi?

2005-11-18T13:49:00.000Z

Hmmm, ar ôl gweld yr erthygl am flogwyr yn Dim Lol yn yr Eisteddfod Genedlaethol 'leni yn galw blogwyr yn ymhongar, cefais fy nghorddi braidd gan y cyhuddiad, ond ddoe, daeth cyhuddiad yn uniongyrchol yn fy erbyn. 'Pam?' ebychais tua'r nef, gan ddamnio'r diawl a'm cyhuddodd. Ond o edrych drwy fy hen gofnodio, fi yn ymhongar braidd, ond ydw i?

Damo. Rhaid stopio. Sori.

Deddf diawlineb

2005-11-18T11:44:00.000Z

Diolch i 'rhen Bruce am y cyfieithiad uchod o 'sod's law'. Sai'n gwbod ble fydden i hebddo ti, gyfaill annwyl.

Ie, deddf diawlineb, yr hen grachen afiach. Beth ond deddf diawlineb all lywodraethu'r ffaith, ddydd Mercher a dydd Iau, pan o'n i ryw hanner munud yn hwyr ar gyfer y trên, bod y ddau ohonyn nhw wedi gadael am 0836 ar ei ben, ac eto, pan gyrhaeddais i mewn da bryd i'w ddal, ddaeth y peth ddim tan 0850?

Ma' ishe gras, llond berfa ohono.

Hwre!

2005-11-17T16:31:00.000Z

Mae David Irving (self-taught historian = siarad mas o'i ben ôl) wedi'i arestio yn Awstria am wadu bod yr Holocaust wedi digwydd... eto.

Ar ôl tri... hip hip...

Ymddiheuriadau (a Chav)

2005-11-16T15:58:00.000Z

Ymddiheuriadau am fy niffyg postio dros y dyddiau diwethaf, ond prysur fu fy niwrnodau, gyda Gŵyl Sgrin Caerdydd, cyfarfodydd cell a phethau cyffelyb yn cymryd fy mryd. Ond, os nad y'ch chi wedi sylwi, mae bodolaeth yr ŵyl wedi achosi i bethau brysuro draw 'sha Pictiwrs, felly dyw popeth ddim yn ddu i gyd.

Felly, o'n i'n teimlo gan fy mod i wedi dod 'ma y byddai'n well postio rhyw saig bach i chi gnoi arno, a dyma un peth sydd wedi fy niddori, sef ffrae sy'n datblygu rhwng Hugo Chavez, arlywydd Venezuela a Vicente Fox, arlywydd Mecsico, wedi i Chavez alw Fox yn gi bach i America (wnaeth ddim helpu'i achos drwy gwyno wrth CNN en Español am y peth) ynglŷn â chynlluniau America i greu rhyw ardal o fasnach rhydd yng Nghanolbarth America.

Mae gen i barch tuag Chavez oherwydd dyw e ddim yn brin ei eiriau pan mae'n dod at feirniadu ymyrraeth cwmnïau a llywodraeth America yn yr ardal, ond pa mor hir fydd hi nes i America ddechrau rhyfel yno. Mae digonedd o olew yn Venezuela, wrth gwrs.

Ahmed Khatib

2005-11-11T10:14:00.000Z

Mae 'na erthygl yn y Guardian bore 'ma i godi calon unrhyw un am y sefyllfa druenus yn Israel a Phalesteina. Yn ôl yr erthygl, mae organau plentyn a laddwyd gan filwyr Israel wedi'u rhoi i Iddewon, mewn gweithred i hyrwyddo'r syniad o gyfaddawd a chariad rhwng y ddwy genedl, ond hefyd fel gwrthsafiad yn erbyn gweithredoedd llywodraeth Israel. Dyma eiriau gan un o arweinwyr yr intifada yn dilyn y weithred:

"This kind of action is a form of resistance. Six Israelis have a part of a Palestinian in them and we don't think those people would come to kill a Palestinian person. And I don't think their family members would kill a Palestinian child," he says.

It is what Ismail hopes to have achieved. "The hope is that those people will learn the lesson from what I have done, those six people will learn the lesson that we are human beings; their families, even if they were serving in the army, will consider what I have done," he says.

Gobeithio y bydd mwy o bethau fel hyn yn digwydd i ddod â phobl o'r ddwy ochr yn agosach at ei gilydd, er gwaethaf ymdrechion eu harweinwyr i achosi mwy o rwygiadau a rhaniadau.

Alfie, Alfie, Alfie

2005-11-10T15:00:00.000Z

Mae Gareth Thomas, Richard Webster a Phil Booth i gyd wedi'u cael yn euog o ymosodiad treisgar ac, yn achos Booth, ymddygiad anweddus rhywiol, yn dilyn ymladd mewn bar yn Ffrainc yn 2002. Ond heb os, y darn sy'n gwneud i fi chwerthin am yr achos 'ma yw safon amddiffyniad Booth.

The magistrate said Booth later told police he had done a handstand in the disco and simply fallen on Mr Gonthier and then accidentally touched his girlfriend as he got up.

Mae hyn yn digwydd i fi drwy'r amser 'fyd, ond s'neb yn 'y nghredu i.

Pictiwrs yn y Pyb

2005-11-09T10:56:00.000Z

Arfau cemegol yn Fallujah?

2005-11-08T14:07:00.000Z

Bydd rhaglen ddogfen yn cael ei darlledu yn yr Eidal sy'n honni i UDA ddefnyddio arfau cemegol yn Fallujah, yn ôl yr Independent, sef y rheswm, yn y pen draw, yr aeth UDA a'r DU i mewn i Irac (oes unrhyw un yn cofio am beth mae WMD yn sefyll rhagor), gan fod Saddam yn defnyddio'r fath dactegau yn erbyn ei elynion o fewn gwladwriaeth Irac.

Lansiad Ysgol Gymraeg Trelyn

2005-11-07T16:41:00.000Z

Sbotiwch fi...

Drychwch mor denau o'n i! A'r tei syth!

(ahem, fi'n rhoi gormod o gliwiau nawr)

O am fod yn ifanc drachefn...

Lluniau Waen

2005-11-04T22:03:00.000Z

Fi wedi blino'n shwps ar hyn o bryd, ar ôl teithio'n ôl o Aber ar ôl mynychu cyfarfod i lunio strategaeth iaith Gymraeg ar gyfer Amnest Rhyngwladol, ac ar fin mynd i'r gwely cyn un ar ddeg ar nos Wener. Och.

Yn ddiweddar, wrth fynd drwy amryw gyfrifon pobl fel Nic a Mair ar Flickr, des i ar draws lluniau Waen. Sai'n siwr pwy yw Waen neu os yw e'n ffotograffydd proffesiynol, ond mae'r lluniau 'ma'n wych. Joiwch.

Cristnogion di-hiwmor

2005-11-01T12:02:00.000Z

Cabledd yw Wallace and Gromit, yn ôl y wefan hon, oherwydd bod 'na dorri gwynt ac ry'ch chi'n gweld pen-ôl cymeriad plasticine. Mae'n gwneud i chi feddwl am gyflwr meddyliol y bobl 'ma ar adegau, i weld popeth mewn cyd-destun o gabledd, pechod a ffieidd-dra.

Dyma adolygiad llawer gwell.

The Romans in Britain

2005-10-28T13:53:00.000+01:00

Ymdiheuriadau, gyfeillion hoff, ymddengys mai dyna'r oll fi'n neud ar hyn o bryd yw postio dolenni yn hytrach na rhoi fy marn ar unrhyw beth. A dyna yw'r cofnod hwn yn y bôn.

Ta beth, y rheswm feddylies i am bostio yw'r ffaith i fi ddarllen erthygl ddiddorol yn y Guardian heddiw ynglŷn â Howard Brenton. Roedd dramâu Brenton ymysg y rhai mwyaf pryfoclyd a diddorol i fi eu darllen drwy gydol fy adeg yn y brifysgol, ac yn ddileit i rywun oedd â diddordeb mawr yn y gydberthynas sy'n bodoli rhwng y theatr a gwleidyddiaeth, a sut mae cyfleu gwleidyddiaeth drwy gyfryngau celfyddydol.

Bu bron i Michael Bogdanov (y boi sydd newydd gyfarwyddo Hamlet yn Gymraeg) gael ei ddedfrydu i dair blynedd o garchar am nad oedd twpsyn twrnai Mary Whitehouse yn gallu dweud y gwahaniaeth rhwng cala a bawd mewn dwrn.

Ond, fel y dywed yr erthygl, mae hyn yn berthnasol i ni heddiw, gyda phobl grefyddol a moesol unllygeidiog yn ceisio lladd ar unrhyw beth sy'n mynd yn groes i'w safbwynt penodol nhw (ignorant bigots, falle?).

Ble mae'r ymddiheurad, Peter?

2005-10-28T11:38:00.000+01:00

Leanne Wood heb wneud dim byd o'i le, ond fydd Hain ddim yn ymddiheuro am ei sylwadau sy'n ymylu ar fod yn enllibus.

Ond na, ry'n ni'n byw mewn Cymru lle caiff y Blaid Lafur drahaus wneud yr hyn fynnan nhw, a lle mae'n rhaid i'r Blaid, Cymdeithas yr Iaith a Chymuned gyfiawnhau pob dim maen nhw'n ei wneud. Hwre!

Lle yng Nghymru?

2005-10-27T15:06:00.000+01:00

Lle yng Nghymru?

Blog newydd ar ffurf cwis. Gan yr un person sy'n rhedeg Blog Jiw Jiw, yr ail flog gorau am rygbi yn y Gymraeg... *peswch*

Yn Y Bennod

2005-10-27T09:30:00.000+01:00

O gwych! Pryd mae e mlaen?

Prussian Blue

2005-10-26T19:17:00.000+01:00

Nath ffrind hala stori ata' i heddi sydd ar Sky am y band Prussian Blue (pliiiis peidiech clicio ar hwn os y'ch chi yn y gwaith, rhag ofn), sy'n edrych yn go debyg i'r Olsen Twins, ond sydd tua deg gwaith mwy aflan na'r ddwy 'na.

Fi'n cofio gweld y ddwy 'ma ar raglen Louis Theroux sbel nôl, ac maen nhw, yn syml iawn, wedi cael eu brainwasho gan eu mam i gredu'r crap maen nhw'n ei gredu.

Ta beth, y rheswm feddylies i am flogio oedd y ffaith fod llyfr Louis ar gael erbyn hyn (nes i drio peidio â neud i hynna swnio fel hysbyseb, wir nawr). Dylai fod yn ddiddorol ei ddarllen, os oedd gennych chi unrhyw ddiddordeb yn ei raglenni fe.

Llundain

2005-10-24T13:52:00.000+01:00

Crap.

Byyyyw mewn bocsys!

2005-10-21T16:05:00.000+01:00

Yn anffodus, mewn dwy awr, fydda' i ar fy ffordd i Lundain. Os y'ch chi wedi bod yn dilyn y blog 'ma ers sbel, fyddwch chi'n gwbod, o bosib, 'mod i ddim yn hoff o Lundain. Wel, nes i un rant mawr am y peth unwaith. Ta beth, i'r ddinas fawr ddrwg a fi, gan adael diniweidrwydd Caerdydd y tu ôl i fi...

Heno, fe fydda' i'n mynd i weld Brakes, rhyw fath o siwpyr-grŵp sy'n cynnwys aelodau o British Sea Power, Electric Soft Parade a The Tenderfoot yn 333 (wwww! Shoreditch!). Bues i a Mair i'w gweld nithwr yn Barfly Caerdydd, felly gobeithio na fyddan nhw'n meddwl mai rhyw stalcyr gwallgo' ydw i. Ond maen nhw'n wych.

Felly, ta ta, tan y rant nesaf am gachrwydd Llundain.

Prewar Blues

2005-10-19T23:07:00.000+01:00

Fe sylwais i ar flog Prewar Blues pan oedd Nic yn dal i drafferthu diweddaru Pop Peth (rhai pobl, eh?), ond dim ond yn yr wythnos ddiwethaf y'n ni wedi cael y we gartre 'to, ac felly wy'n gallu gwrando ar ffeiliau sain 'to. Yn niwedd mis Mehefin symudon ni. Shwt y'n ni wedi goroesi?

Ta beth, fi wedi treulio'n amser ers dychwelyd o'r cwis yn gwrando ar MP3au o'r wefan 'ma. Sai'n gwbod beth sy'n fy hudo am gerddoriaeth fel hon a cherddoriaeth 'country blues' o'r cyfnod. Falle'r angerdd a'r bywyd sy'n perthyn i'r gerddoriaeth, pwy â wyr. Ond mae'n codi 'nghalon i bob tro. Joiwch.

Dau gant o gofnodion i Pictiwrs!

2005-10-18T15:33:00.000+01:00

Mae Pictiwrs.com wedi cyrraedd dau gant o gofnodion, a ffilm Gymraeg oedd testun cofnod #200, 'O Gwmgiedd i Bogota'!

Ymlaen at y filiwn, fel bydde Acen yn ei weud!

Datblygu.com

2005-10-17T16:52:00.000+01:00

Fe ddwedodd Nic wrtha' i ei fod e wedi cofrestru datblygu.com yn rali CYI ddechrau'r mis. Fe ystyriais i adael y gath mas o'r cwdyn a neud i fy hunan edrych yn cwl, ond doeddwn i ddim yn siwr os oedd Nic moyn cadw'r peth yn gyfrinach.

Wel, ta beth, dyw'r peth ddim yn gyfrinach rhagor, felly os oed gyda chi unrhyw hen greiriau datblygu'n hel llwch yn rhywle, halwch nhw ato fe. Manylion cyswllt ar ei flog, fi'n credu.

Ymgyrch newydd!

2005-10-17T10:42:00.000+01:00

Rhys Wynne dynnodd fy sylw at siop newydd Oyster Clothing yng Nghaerdydd ac, yn dilyn ymweliad cychwynnol wythnos diwethaf, penderfynais wythnos yma y byddwn yn prynu pâr o drowsus o'r siop.

Ond och a gwae! Beth yw hyn? 38" yw'r wast mwyaf ar drowsusau'r siop, a minnau angen 40" o leiaf! Ble mae'r dillad masnach teg i bobl fawr y byd hwn? Felly, penderfynais ar ymgyrch. Anfonwch e-bost at Howies (cyflenwyr dillad y siop) yn holi pam nad oes ganddynt feintiau mwy.

Gyda llaw, ydych chi eisiau gwybod beth oedd y gân ddaeth ar fy chwaraewr mini disc wedi i mi adael y siop? 'You're the One for Me, Fatty' gan Morrissey. Och.

Gemau ail-gyfle Cwpan y Byd

2005-10-14T14:09:00.000+01:00

Nos Fercher, wrth eistedd yn Callaghans yn dilyn gem Cymru, dyma fi'n gweld ar y teledu mai Sbaen, y Weriniaeth Tsiec, Twrci, Norwy, Slofacia a'r Swistir oedd drwyddo i gemau ail-gyfle Ewrop Cwpan y Byd. "Gwylia di," meddwn i wrth fy ffrind, "ffics gewn ni, a bydd Sbaen, y Weriniaeth Tsiec a Thwrci yn osgoi'i gilydd."

Gan y gwirion ceir y gwir, bois bach.